پنجاب بجٹ توں لوکائی چنگی اُمید نہ رکھے،وفاق وانگوں پنجاب دا بجٹ وی سرمایا دار طبقے دا بجٹ ہووے گا: عظمیٰ بخاری۔۔۔٭رویل نیوز٭

لاہور (نمایندا رویل) مسلم لیگ (ن) دی آگو عظمیٰ بخاری نے کہیا اے کہ وفاقی بجٹ وانگوں پنجاب دے بجٹ توں وی لوکائی کوئی چنگیاں توقعات نہ رکھے‘ پاکستان وچ کرونا وایرس دے کھلار دے ذمے دار عمران نیازی تے اوہناں دے چمچے نیں‘ پنجاب وچ لوک کرونا نال مَر رہے نیں‘ عثمان بزدار ٹھنڈے ستو پی کے ٹھنڈے کمریاں وچ مزے کر رہے نیں۔ مسلم لیگ (ن) پنجاب دی ترجمان عظمیٰ بخاری دا فیاض چوہان دے بیان اُتے ردِ عمل و چ کہنا سی کہ پنجاب دے 52 ترجمان چُپ تے چابی والے وزیر اعلا دی نالایقی اُتے پردے پا رہے نیں۔ کھنڈ چوراں دا ٹولا ہُن کرونا دے پچھے لُکن دی کوشش ر رہیا اے۔ عمران نیازی معیشت دا دیوالیا کڈھ کے ہُن مگر مچھ دے اتھرو وگا رہے نیں۔