نیب سلمان شہبا ز دی واپسی لئی برطانوی نیشنل کرائم ایجنسی توں درخاست کرے گا۔۔۔٭رویل نیوز٭

لاہور (نمایندا رویل) نیب نے سلمان شہباز نُوں انٹر پول راہیں برطانیا توں واپس لیان دا فیصلا کر لیا‘ نیب دے مطابق سلمان شہباز‘ شریف خاندان دے خلاف منی لانڈرنگ کیس وچ اشتہاری تے مفرور نیں۔ قومی احتساب بیورو نے بیرون ملک فرار ہون والے ملزماں دی واپسی لئی گھیرا تنگ کر دِتا‘ شریف خاندان دے منی لانڈرنگ کیس وچ ملوث ملزم سلمان شہباز نُوں واپس وطن لیا کے قانون دے ساہمنے پیش کیتا جاوے گا۔ ترجمان نیب دا کہنا اے کہ سلمان شہباز شریف خاندان دے خلاف منی لانڈرنگ کیس وچ اشتہاری تے مفرور نیں‘ سلمان شہباز دے ناقابل ضمانت وارنٹ گرفتاری وی جاری ہو چکے نیں‘ نیب سلمان شہبا ز دی واپسی لئی برطانوی نیشنل کرائم ایجنسی توں درخاست کرے گا تے استدعا کیتی جاوے گی کہ سلمان شہباز نُوں برطانوی قانون دے مطابق انٹرپول راہیں ڈیپورٹ کیتا جاوے۔ واضح رہوے کہ احتساب عدالت نے منی لانڈرنگ کیس وچ سلیمان شہباز نُوں مفرور متھدیاں ہویاں اوہناں دے ناقابلِ ضمانت گرفتاری دے وارنٹ جاری کیتے سن۔