اَواز دی دُنیا دے بے تاج بادشاہ ۔۔۔۔قومانتری پدھر دے جانے پچھانے کمپیر،اداکار،سیاست دان تے شاعر طارق عزیز اگلے جہان چلے گئے۔۔۔۔٭رویل نیوز٭

لاہور ( رویل نیوز) قومانتری پدھر دے جانے پچھانے کمپیر،شاعر تے اداکار طارق عزیز چِلانا کر گئے نیں ۔ آپ دا جنم 1936 نوں مشرقی پنجاب دے علاقے جلندھر وچ ہویا۔اوہناں نے اپنی حیاتی وچ اک کمپیر وجوں پوری دُنیا وچ اپنی اک وکھری پچھان بنائی اے ۔اوہناں نے سیاست وچ وی حصا لیا تے پنجابی شاعر وجوں اوہناں دی کتاب " ہمزاد دا دُکھ " وی چھپی اے۔اوہناں نے کمپیرنگ کرن دے نال نال کجھ فلماں وچ اداکاری وی کیتی سی۔اوہناں دا پروگرام "نیلام گھر" 1974 وچ شروع ہویا تے لوکائی دا سبھ توں من پسند پروگرام بن گیا بعدوں ایہ پروگرام بزم طارق عزیز تے طارق عزیز شو دے ناں توں وی چلدا رہیا۔آپ نے سیاست وچ وی حصا لیا تے قومی اسمبلی دے ممبر 1997 توں 1999 تیکر رہے۔آپ پی ٹی وی دے پہلے اناؤنسر ہوون دا اعزاز وی رکھدے نیں۔ایس توں وکھ"انسانیت"،"ہار گیا انسان" ورگیاں فلماں وچ وی بطور اداکار کم کردے رہے۔