لاہوریاں نُوں جاہل کہن والا آپ جاہل: سعد رفیق۔۔۔٭رویل نیوز٭

لاہور (نمایندا رویل) مسلم لیگ (ن) دے آگو خواجا سعد رفیق نے کہیا اے کہ لاہور والیاں نُوں جاہل اوہ کَہ رہے نیں جہڑے آپ جاہل نیں‘ حکومت کرونا دی بجائے اپوزیشن نال لڑ رہی اے۔ لاہور دی احتساب عدالت دے باہر میڈیا نال گلبات کردیاں ہویاں خواجا سعد رفیق نے کہیا کہ پری دنیا نے کہیا کہ کجھ عرصے لئی مکمل لاک ڈاؤن کرو پر ساڈے وزیراعظم نے کہیا کہ اسیں سمارٹ لاک ڈاؤن کراں گے‘ ہُن کرونا پورے ملک وچ کھلر چُکیا اے۔ ملک وچ سیکٹڈ لاک ڈاؤن دا سلسلا جاری اے‘ پت نہیں کِتھوں ایہ عجیب ٹرم لے کے آ رہے نیں۔