بھارتی ہٹ دھرمی نال حالات خراب ہون گے: شاہ محمود قریشی۔۔۔٭رویل نیوز٭
نمائندا رویل
June 18, 2020
اسلام آباد (نمایندا رویل) وزیر خارجا شاہ محمود قریشی نے کہیا اے کہ بھارت ہندتوا سوچ تے ہٹ دھرمی دا مظاہرا کرے گا تے حالات خراب ہون گے۔ مودی سرا سر جنگی جنونیت دی سوچ اُتے ٹریا اے‘ اسیں خطے وچ امن و استحکام دے خاہاں آں‘ بھارت تے چین دے وچکار سرحدی جھیڑے اُتے اپنے بیان وچ محمود قریشی نے کہیا کہ تبت تے لداخ دا 3500 کلو میٹر دا علاقا بھارت تے چین دا جھیڑویں سرحدی علاقا اے‘ کجھ دناں توں چین تے بھارت دے وچکار کشمکش ودھدی وکھائی دے رہی سی‘ چین نے آخری حد تک کوشش کیتی کہ معاملا سوجھ بوجھ نال نال حل ہو جاوے پر بھارت نے چین دی گل اُتے غور نہیں کیتا جہدے کارن پچھلے دن جھڑپ وی ہوئی تے 20 بھارتی فوجی مرے وی۔
