kraamaat@gmail.com
+ +92 333-430-6384


وفاق نے سندھ دے 229 ارب اُتے ڈاکا ماریا: مراد علی شاہ   ……٭رویل نیوز٭


نمائندا رویل June 19, 2020


کراچی (نمایندا رویل) وزیر اعلا سندھ مراد علی شاہ نے کہیا اے کہ وفاقی حکومت نے سندھ دے 229 ارب رُپئے اُتے ڈاکا ماریا اے۔ پچھلے اسل متوازن بجٹ دِتا سی‘ ایس سال کرونا دے علاوا وفاقی حکومت دی نا اہلی نال وی نقصان ہویا اے۔ کراچی وچ پوسٹ بجٹ پریس کانفرنس کردیاں ہویاں وزیر اعلا سندھ نے کہیا کہ وفاق دے اعلان کردا آنکڑے وی درست نہیں نیں‘ ایس سال وفاق توں سندھ نُوں 229 ارب رُپئے گھٹ ملن گے۔ وفاق نے حالے تک سندھ نُوں 606 ارب دے مقابلے وچ 553 ارب رُپئے فراہم کیتے نیں جد کہ سندھ نُوں کہیا جا رہیا اے کہ اگلے سال ایہنوں 760 ارب رُپئے ملن گے۔