kraamaat@gmail.com
+ +92 333-430-6384


شہباز شریف خاندان دیاں باہرلے مُلکاں وچ گھلیاں گئیاں ڈالراں تے درہم دی  تفصیل ساہمنے آ گئی، صورت ……٭رویل نیوز٭


نمائندا رویل June 20, 2020


لاہور (نمایندا رویل) مسلم لیگ (ن) دے صد ر و سابق وزیر اعلی پنجاب محمد شہباز شریف تے ایہناں دے خانداں تے منی لانڈرنگ کیس وچ رقماں باہر گھلن دی تفصیل ساہمنے آ گئی اے۔دستاویزات دے مطابق شہباز شریف،ایہناں دے پُتراں،دِھیاں تے بیوی نوں باہرلے ملکاں توں رقماں منتقل ہوئیاں نیں۔ شہباز شریف خاندان نوں باہرلے مُلکاں توں ارب 59 کروڑ 30 لکھ روپے منتقل ہوئے سلمان شہبازنوں 2 لکھ 6 ہزار 996 ڈالر دی رقم منتقل ہوئی، سلمان شہباز نوں جہڑی رقم ملی اوہ درہم دی صورت وچ اے۔حمزہ شہباز نوں دو لکھ پچاسی ہزار چھے سو اڑتالھی ڈالر ملے سن۔ تے ایہ رقم2005توں 2012وچ گھلیاں گئیاں سن۔ نصرت شہباز نوں 49 ہزار 950دی رقم ڈالرز وچ منتقل ہوئی۔رابعہ عمران جو شہباز شریف دی دھی اے اوس نوں ست لکھ چالھی ہزار چھے سو اسی ڈالر آئے جد کہ جویریہ علی نوں دو لکھ تراسی ہزار تن سو ترونجا ڈالر آئے سن۔