اَبادی وچ وادھے دی رفتار روکنا ویلے دی لوڑ: صدر مملکت ڈاکٹر عارف علوی  ……٭رویل نیوز٭

اسلام آباد (نمایندا رویل) صدر مملکت ڈاکٹر عارف علوی نے کہیا اے کہ ابادی وچ وادھے دی موجودا رفتار نُوں روکن دی ضرورت اے‘ ابادی وچ وادھے دے سماجی تے معاشی اثرات دے حوالے توں لوکائی وچ شعور بیدار کرن دی ضرورت اے۔ صدر عارف علوی نال وزیراعظم دے اُچیچے صلاحکار ڈاکٹر ظفر مرزا نے ملاقات کیتی۔ ایس مو قع اُتے فیڈرل پاپولیشن ٹاسک فورس دے پچھلے 2 اجلاساں دی ٹورا کاری دا جایزا لیا گیا۔ صدر نے ودھدی ابادی اُتے ہرکھ دا وکھالا کیتا تے ہدایت کیتی کہ فیڈرل پاپولیشن ٹاسک فورس اپنے مقصداں دے حصول لئی کوششاں تیز کرے۔ اہداف نُوں چھیتی توں چھیتی تکمیل تک پہنچان لئی فیڈرل پاپولیشن ٹاسک فورس دا تیجا اجلاس بلان دا فیصلا کیتا گیا۔