پہلا سبق

پہلا سبق20جون2020

سبق نمبر 1

. تصوّف تے پنجابی زبان/ڈاکٹر سرفراز حسین قاضی

س1۔ڈاکٹر سرفراز حسین قاضی کدوں تے کِتھے پیدا ہوئے؟

ج۔ڈاکٹر سرفراز حسین قاضی 1938ء نوں سوہدرہ ضلع گجرانوالا وچ پیدا ہوئے۔

س2۔ڈاکٹر سرفراز حسین قاضی نے کہڑیاں کتاباں لکھیاں نیں؟

ج۔1)نویں نظم 2)۔وارث نرا وارث 3)۔تصوّف تے پنجابی دے صُوفی شاعر 4)۔پنجابی لوک گیتاں دا فنّی تجزیہ

س3۔تصوف دی کیہ تعریف اے؟

ج۔دین دی عملی صورت نوں تصوّف کہیا جاندا اے۔صوفی اوہ ہوندا اے جو دین دی رُوح نوں عملی طور تے اپناندا اے۔اوہ اپنے دِل نوں ”غیر اللہ“ توں پاک کر لیندا اے۔

س4۔امام قشیری نے تصوّف بارے کیہ آکھیا اے؟

ج۔ امام قشیری نےتصوف دی تعریف ایہناں لفظاں وچ کیتی اے "باطن دی تعمیر تے اصلاح اصل وچ تصوّف اے۔"

س5۔حضرت عبدالقادر جیلانی ہوراں نے تصوّف کہڑیاں اٹھاں شیواں دا ناں دسیا؟

ج۔۱۔سخاوت ابراہیم علیہ السلام ۲۔رضائے اسحاق علیہ السلام ۳۔صبر ایوب علیہ السلام۴۔مناجات کبریا علیہ السلام۵۔غربت یحییٰ علیہ السلام۶۔خرقہ پوشی موسیٰ علیہ السلام۷۔سیاحت عیسیٰ علیہ السلام۸۔فقر سرور کائنات ﷺ

س6۔پنجابی شاعری دی ابتدا کس فکر توں ہوندی اے؟

ج۔پنجابی شاعری دی ابتدا صوفیانا فکر توں ہوندی اے۔

س7۔اصحاب صفہ توں کیہ مراد اے؟

ج۔اصحاب صفہ توں مراد اوہ صحابی نیں جو مسجد نبوی اندر بنے چبوترے جس نوں ”صفہ“ آکھیا جاندا سی اوتھے بیٹھ کے حضورپاک ﷺ کولوں علم حاصل کردے سن۔

س8۔ بزرگاں دا دھیان دین دیاں قدراں نوں قائم کرن ول کدوں ہوندا اے؟

ج۔جدوں وی معاشرے وچ اخلاقی قدراں دا زوال ہوندا اے تاں بزرگاں دا دھیان دین دیاں قدراں نوں قائم کرن ول ہو جاندا اے۔

س9۔پنجابی دے پہلے باقاعدہ شاعر دا ناں کیہ اے؟

ج۔بابا فرید الدین مسعود گنج شکر ؒ

س10۔بابا فرید مسعود گنج شکر ؒ دا کوئی شعر لکھو؟

ج۔اُٹھ فریدا ؔ وضو ساج صبح نماز گزار

جو سِر سائیں نہ نِیویں سو سِر کپ اُتار

٭٭٭٭٭