kraamaat@gmail.com
+ +92 333-430-6384


نوجوان  دی لالچی طبعیت نے ماں پیو دی قبر پُٹ دِتی


نمائندا رویل December 12, 2019


(نیٹ نیوز )نوجوان نے موٹر سایکل دی لالچ وچ آکے اپنے ماں پیو دی قبر پُٹ دتی۔تفصیل دے مطابق براعظم افریقا دے ملک موزیبک دی پولیس دے مطابق شمالی نامپولا صوبے وچ اک بندے نوں قبر کڈھ کے ماں پیو تے چاچے دیاں ہڈیاں کڈن دے جرم وچ گرفتار کیتا گیا اے۔ دسیا گیا اے کہ ماں پیو دیاں ہڈیاں دے بدلے موٹر سایکل ملن دی لالچ وچ آکے افریقی نوجوان نے راتوں رات اپنے ماں پیو تے چاچے دی قبر پُٹ کے ہڈیاں کڈھ لیاں سن۔پولیس نے دسیا کہ اک تاجر نے نوجوان نوں ہڈیاں د ے بدلے موٹر سایکل تے 300ڈالر نقد دین دا وعدا کیتا سی۔گرفتار بندے دا آکھنا اے کہ تاجر نے مینوں اوہناں بندیاں دا ہڈیاں لبھن لئی آکھیا جو کسے روگ دا شکار ہوئے بغیر فوت ہو گئے ہون تے ہڈیاں دے بدلے وچ مینوں اک موٹر سایکل تے کُجھ نقد پیسے دین دا وعدا کیتا گیا۔