جسٹس عیسیٰ نُوں دھمکیاں‘ چیف جسٹس نوٹس لے لیا،کیس دی سنوائی اج 26 جون نُوں سپریم کورٹ وچ ہووے گی ……٭رویل نیوز٭

اسلام آباد (نمایندا رویل) چیف جسٹس گلزار احمد نے جسٹس قاضی فائز عیسیٰ نُوں دھمکیاں دے معاملے دا از خُد نوٹس لے لیا اے‘ جمعے نُوں کیس دی سنوائی ہووے گی۔ تفصیل دے مطابق چیف جسٹس گلزار احمد نے جسٹس قاضی فائز عیسیٰ نُوں دِتیاں گئیاں دھمکیاں دے معاملے اُتے از خُد نوٹس لے لیا اے۔ ایہ نوٹس آغا افتخار مرزا دی ویڈیو دے حوالے توں لیا گیا اے۔ کیس دی سنوائی 26 جون نُوں سپریم کورٹ وچ ہووے گی۔ ویڈیو وچ آغا افتخار مزا نے اعلا عدلیا خلاف تضحیک آمیز گلبات کیتی سی۔ جسٹس قاضی فائز عیسیٰ دی گھروالی نے وایرل ویڈیو دے حوالے توں کل درخاست دِتی سی جہدے اُتے تھانا سیکرٹریٹ پولیس نے مقدما درج کر کے معاملا ایف آئی اے نُوں گھل دِتا اے۔