kraamaat@gmail.com
+ +92 333-430-6384


پاکستان وچ پچھلے 24 گھنٹیاں دے دوران کرونا دے کارن ہور 59 مَوتاں، لاک ڈاؤن وچ کمی دے حوالے توں تشویش ……٭رویل نیوز٭


نمائندا رویل June 27, 2020


اسلام آباد (نمایندا رویل) پاکستان وچ پچھلے 24 گھنٹیاں دے دوران کرونا دے کارن ہور 59 مَوتاں رپورٹ ہوئیاں نیں جہدے بعد مَوتاں دی مجموعی گنتی 3 ہزار 962 ہو گئی اے۔ نیشنل کمانڈ اینڈ اپریشن سنٹر ولوں جاری کیتے گئے آنکڑیاں دے مطابق پورے ملک توں کرونا وایرس دے ہور 2 ہزار 775 کیسز رپورٹ ہوئے جہدے بعد متاثرا بندیاں دی گنتی 1 لکھ 95 ہزار 745 ہو گئی۔ پورے ملک وچ کرونا نال متاثرا 84 ہزار 168 روگی صحت یاب ہو گئے‘ پاکستان دے صوبا پنجاب وچ کرونا دے ہُن تک 71 ہزار 987 کیسز رپورٹ ہو چکے نیں۔ دوجے پاسے عالمی ادارا صحت نے لاک ڈاؤن وچ کمی دے حوالے توں تشویش دا اظہار کردیاں ہویاں کہیا اے کہ چالو ہفتے کرونا وایرس دے متاثرین دی گنتی ممکنا طور اُتے 1 کروڑ توں ٹپ جاوے گی۔ اوہناں نے کہیا کہ ایس حوالے توں کوئی یقین دہانی موجود نہیں کہ وایرس دے خلاف ویکسین تیار کر لئی جاوے گی تے جے انج ہویا وی‘ فیر وی ایہ اگلے سال توں پہلے دستیاب نہیں ہوے گی۔ عالمی ادارا صحت دے ڈائریکٹر برائے یورپ نے کہیا کہ کئی مہینیاں وچ پہلی وار یورپ وچ کووڈ 19 بہت نمایاں طور اُتے سر چُک رہیا اے۔