ہمیشا اپنیاں فلماں راہیں پاکستانی ثقافت وکھاون دے جتن کرنا واں: سید نور  ……٭رویل نیوز٭

لاہور(نمایندا رویل)پاکستانی فلم انڈسٹری دے سینئر ہدایتکار تے لکھاری سید نور نے آکھیا کہ میری خاہش اے کہ ساڈی فلم انڈسٹری دنیا بھر وچ اپنے ناں دا ڈنکا وجائے۔ ہمیشا اپنیاں فلماں راہیں پاکستانی ثقافت نوں اجاگر کرن دی کوشش کرنا واں۔ اک انٹرویو دوران اوہناں آکھیا کہ فلمسازی نوں فروغ دین لئی اک مشترکا پلیٹ فارم بنانا چاہیدا اے جہدے تحت فلمساز فلماں وچ سرمایا کاری کرسکن۔ انج دے اقدام توں مثبت نتیجے ساہمنے آون گے تے پاکستان وچ فلماں بنن دی رفتار وچ تیزی نال وادھا ہووے گا جہدے توں روایتی فلمسازاں نال نویں فلمساز تے اداکار وی سرمایا کاری کرن گے۔ سید نور نے آکھیا کہ پاکستانی ہون کر کے میری خاہش اے کہ ساڈی فلم انڈسٹری وی دنیا وچ اپنے ناں دا ڈنکا وجائے۔