عُمراں چ کیہ رکھیا۔۔۔۔۔ علیزے شاہ نوں 5ہزار تولا سونا حق مہر   دی پیشکش

بہاولپور(رویل نیوز) بہاولپور دے نواب خاندان توں تعلق رکھن والے شکیل عباسی نے مشہور ڈراما سیریل”عہد وفا“ دی اداکارا (دعا) علیزے شاہ نوں 5ہزار تولا سونا حق مہر دے بدلے ویاہ دی پیشکش کیتی اے۔ تفصیل دے مطابق بہاولپور دے نواب سر صادق محمد خان عباسی دے خاندان توں تعلق رکھن والے 60ورھیاں دے شکیل عباسی نے مشہور اداکارا علیزے نال ویاہ دی خاہش دا اظہار کیتا اے۔شکیل عباسی نے آکھیا کہ میں ہُن تیکر ویاہ نہیں کیتا، ویاہ نہ کرن دے سوال اُتے اوہناں د ا آکھنا سی کہ اجے تیکر زندگی وچ کوئی پسند دی کُڑی نہیں آئی سی ، ہُن ڈراما ”عہد وفا“ ویکھیا تے اوہدے وچ دعا دا کردار کرن والی کُڑی علیزے شاہ پسند آئی اے۔پر اوہ میرے نال ویاہ کرے تے میں اوہنوں حق مہر دے بدلے پنج ہزار تولا سونا دین نوں تیار آں۔جو کوئی تقریبن 44کروڑ دا بندا اے۔