ریاست تے حکومت ہُن اکٹھے نہیں چل سکدے: مولانافضل الرحمان……٭رویل نیوز٭

مظفر گڑھ (نیوز ڈیسک) جمیعت علمائے اسلام (ف) دے آگو مولانا فضل الرحمان دا کہنا اے کہ جے حکومت نے 5 سال مکمل کر لئے تے ملک مکمل نہیں رہوے گا جد کہ ریاست تے حکومت ہُن اکٹھے نہیں چل سکدے۔ مظفر گڑھ جتوئی وچ پریس کانفرنس کردیاں ہویاں آگو جمعیت علمائے اسلام (ف) مولانا فضل الرحمان دا کہنا سی کہ مک وچ معاشی جمود اے جہدے اُتے ہر ویلے نیب تے ایف بی آر دی تلوار لمک رہی اے‘ احتساب صرف اپوزیشن دا ہوندا اے جہڑے نیب تے عدالتاں وچ گھسیٹے جاندے نیں‘ جہڑے جج نُوں اوہدی عدلیا نے غلط متھ دِتا تے اوہدے فیصلیاں نُوں وی نظر انداز کرنا چاہیدا اے۔ مولانا دا کہنا سی کہ پاکستانی تواریخ وچ پہلی وار جی ڈی پی منفی توں وی تھلے چلا گیا اے۔