پردا  داری  مُک گئی ،مولانا فضل الرحمن دا میک اپ کون کردا رہیا؟

اسلام آباد(نمائندا رویل)کُجھ مہینے پہلاں پاکستان تحریک انصاف دے سربراہ عمران خان دی اک تصویر وایرل ہوئی سی جہدے وچ اک سوانی اوہناں دا میک اپ کر رہی سی۔تصویر وایرل ہون مگروں ایس گل دا انکشاف ہویا سی کہ عمران خان پبلک پلیس اُتے جان توں پہلاں میک اپ کرواندے نیں تاں جے اوہ اپنے چہرے دیاں جھریاں لُکا سکن۔کئی پاکستان سیاستدان اُنج تے میک اپ کرواندے ای نیں ، خاص طور اُتے ٹی وی اُتے آن توں پہلاں تے میک اپ ضروری ہوندا اے۔پر ایس دوڑ وچ جمعیت علمائے اسلام (ف) دے سربراہ مولانا فضل الرحمن وی پچھے نہیں رہے۔اک بیوٹیشن نے ایس گل دا انکشاف کیتا اے کہ اوہ مولانا فضل الرحمن دا میک اپ کردیاں نیں۔ دوویں بیوٹیشنز مشہور پرچا کار جاوید چودھری دے پروگرام وچ رلتی سن، جتھے اوہناں نے ایس گل دا نکشاف کیتا کہ اوہ وکھو وکھ سیاستداناں دا میک اپ کر چکیاں نیں۔