لگا تار فلماں بنن نال انڈسٹری بحران مُکے گا: حیدر سلطان ……٭رویل نیوز٭

لاہور (نمایندا رویل) نامور اداکار حیدر سلطان نے کہیا اے کہ بلا تعطل فلماں بنن نال ای فلم انڈسٹری دا بحران ختم ہو سکدا اے‘ فلم انڈسٹری نُوں حال ای وچ نویں چہریاں دی کھیپ ملی اے جو اطمینان بخش اے تے سبھ نے اپنے کیریئر دا اغاز کامیابی نال کیتا اے۔ اِک انٹرویو وچ حیدر سلطان نے کہیا کہ حالیا ورھیاں وچ فلماں بنن دی گنتی ودھی اے جہدے نال انڈسٹری نُوں سہارا مِلیا اے پر ِانڈسٹری دا بحران دور کرن لئی بُہتی گنتی وچ تے بلا تعطل فلماں بنانیاں پین گیاں۔ اوہناں نے کہیا کہ میں ہمیشا ایہو اواز اُچی کیتی اے کہ اردو دے نال پنجابی فلماں وی بنائیاں جان تاں جے اِک توازن برقرار رہوے۔ کئی لوک پنجابی فلماں ویکھنا چاہندے نیں تے اوہ وار وار ایس بارے وچ پُچھے وی نیں۔