پی ٹی آئی، تعلیم دشمن ایجنڈے اُتے شرم کرے،ہائر ایجوکیشن فنڈز اُتے حملے میڈیکل یونیورسٹیاں لئی بُرے نتیجے لیان گے: بلاول زرداری بھٹو……٭رویل نیوز٭

اسلام آباد (نمایندا رویل) پاکستان پیپلز پارٹی دے چیئرمین بلاول بھٹو زرداری نے اپنے بیان وچ الزام لایا کہ پی ٹی آئی دا ایجنڈا تعلیم دشمن اے۔ ایہدے اقدامات نال اکثر یونیورسٹیاں نُوں بندش دا ساہمنا کرنا پے سکدا اے۔ بلاول بھٹو نے اپنے ٹویٹر پیغام وچ کہیا کہ پی ٹی آئی دے ہائر ایجوکیشن دے فنڈز اُتے حملے وباء دے دناں وچ میڈیکل یونیورسٹیاں لئی بُرے نتیجے لیان گے۔ میڈیکل یونیورسٹیاں کرونا وایرس دے خلا ف اگلے محاذاں اُتے جدوجہد کر رہیاں نیں۔ اوہناں دا کہنا سی کہ پی ی آئی نے پچھلے بجٹ وچ ہائر ایجوکیشن دے فنڈز وچ کمی کیتی جد کہ موجودا بجٹ وچ وی ایہدے وچ وادھے توں انکار کیتا۔ ایہدے اقدام بعد یونیورسٹی ملازماں دیاں تنخاہواں وچ گھاٹاںتے پڑھیاراں دیاں فیساں وچ وادھا ہووے گا۔