فلم " دا ڈونکی کنگ "دا انگریزی ورژن امریکا وچ ریلیز……٭رویل نیوز٭

لاہور (نمایندا رویل) داڈ ونکی کنگ‘ دا ہُن امریکا تے برطانیا وچ وی راج ہووے گا جتھے پاکستان دی مقبول ترین انیمیٹڈ فیچر فلم انگریزی زبان وچ ایمیزون پرائم ویڈیو اُتے ریلیز کر دِتی گئی اے۔ پاکستان وچ 2018 وچ ریلیز ہون والی دی ڈونکی کنگ ملکی باکس آفس اُتے 25 کروڑ رُپئے توں ودھ دا ریکارڈ قایم کرن دے نال10 ملکاں وچ ریلیز ہو چکی ا جہناں وچ سپین‘ کوریا‘ ترکی‘ رشیا تے یوکرین شامل نیں۔ حال ای وچ پاکستان وچ ایہدا ٹیلی وژن پریمیئر ہویا جہنے ویور شپ دے سارے ریکارڈ توڑ دِتے تے ایہ پاکستان دی تواریخ وچ سبھ توں ودھ ویکھی جان والی ٹی وی پریمیئر بن گئی۔ ہُن ایہنوں انگریزی زبان وچ ڈَب کر دِتا گیا اے تے ایہ یو ایس اے تے یوکے وچ ریلیز کر دِتی گئی اے۔