کراچی: ماڈل ایان علی ولوں شوبز وچ واپسی دا اعلان……٭رویل نیوز٭

کراچی (نمایندا رویل) کرنسی سمگلنگ کیس وچ ضمانت اُتے رہا پاکستان دی ماڈل تے گلوکارا ایان علی نے شوبز وچ واپسی دا اعلان کر دِتا۔ مائیکرو بلاگنگ سائٹ ٹویٹر اُتے ماڈل ایان علی نے لکھیا کہ ”پرانی لیمبر گینی وچ بَہ کے اپنے 7 نویں گانے سنن تے سیر اُتے جان دا ویلا ہو گیا اے‘ اوہناں نے لکھیا کہ یقین اے کہ ایہ گانے مداحاں نُوں پسند آن گے‘ سارے نویں گانے اِک یاں 2 ہفتیاں وچ ریلیز کر دِتے جان گے۔ واضح رہوے کہ ماڈل ایان علی نُوں 14 مارچ 2015 نُوں اسلام آباد توں دبئی جاندیاں ہویاں بینظیر بھٹو ائر پورٹ اُتے حراست وچ لیا گیا سی تے اوہناں دے کولوں 5 لکھ ڈالر برآمد ہوئے سن۔ پر ایان علی دا ناں ای سی ایل توں کڈھن دے بعد اوہ بیرون ملک چلے گئے سن۔