کرونا وایرس نال ہلاکتاں دی تعداد پنج ہزار توں ٹپ گئی ہور تفصیل لئی پڑھو۔۔۔٭رویل نیوز٭

اسلام آباد (نیوز ڈیسک) پاکستان وچ کرونا وایرس کارن 5 ہزار 197 بندے جان دی بازی ہار چکے نیں تے 2 لکھ 48 ہزار 872 بندے متاثر نیں۔ نیشنل کمانڈ اینڈ اپریشن سینٹر ولوں جاری آنکڑیاں دے مطابق پچھلے 24 گھنٹیاں دے دوران کرونا دے 2521 نویں کیسز رپورٹ ہوئے تے 74 بندے چلانا کر گئے۔ پنجاب وچ کرونا نال2 ہزار 6 مَوتاں رپورٹ ہوئیاں نیں‘ سندھ وچ 1747‘ خیبر پختونخوا وچ 1087‘ بلوچستان126‘ اسلام آباد 152‘ ازاد کشمیر 43 تے گلگت بلتستان وچ 36 کرونا روگی جان دی بازی ہار گئے نیں۔ ملک دے 733 ہسپتالاں وچ کرونا روگیاں لئی سہولتا ں میسر نیں تے 393 روگی وینٹی لیٹر اُتے نیں۔ پورے ملک وچ کرونا روگیاں لئی 1820 وینٹی لیٹرز دستیاب نیں۔ پچھلے 24 گھنیاں دے دوران پورے ملک وچ 23 ہزار 569 ٹیسٹ کیتے گئے تے اج تک مجموعی طور اُتے 15 لکھ 14 ہزار 858 ٹیسٹ کیتے جا چکے نیں۔ سندھ وچ متاثرین دی گنتی 1 لکھ 3 ہزار 836 ہو گئی اے جد کہ پنجاب وچ 86 ہزار 556 اے۔ پاکستان وچ کرونا توں صحت یاب بندیاں دی گنتی ایکٹو کیساں توں بُہتی اے تے ہُن تک 1 لکھ 53 ہزار 134 کرونا متاثرین صحت یاب ہو چکے نیں۔ پاکستان وچ ایس ویلے کرونا دے ایکٹو کیسز دی گنتی 91 ہزار 602 اے۔