kraamaat@gmail.com
+ +92 333-430-6384
نمائندا رویل
July 13, 2020
لاہور (نمایندا رویل) وہاب ریاض ٹیسٹ کرکٹ وچ واپسی لئی ذہنی تے جسمانی طور اُتے تیار نیں۔ تجربا کار پیسر وہاب ریاض دا کہنا اے کہ نیٹ پریکٹس وچ مطلوبا فارم تے فٹنس حاصل کرن لئی سخت محنت کیتی اے‘ لوڑ پین اُتے خدمتاں حاضر ہون گیاں۔ پی سی بی ولوں جاری کردا ویڈیو وچ اپنیاں یاداں تازا کردیاں ہویاں اوہناں نے کہیا کہ 2010 دے دورا انگلینڈ وچ عمر گل د انجرڈ ہون اُتے ٹیسٹ ڈیبیو دا موقع ملیا‘ ابتدا وچ تھوڑی گھبراہٹ سی‘ کپتان دی حوصلا افزائی اُتے بھرویں رفتار دے نال بولنگ کیتی‘ میں اینڈریو سٹروس‘ جوناتھن ٹروٹ‘ کیون پیٹرسن تے ایون مورگن دیاں وکٹاں لین وچ کامیاب رہیا‘ ایس توں بعد ٹیل اینڈرز وِچوں مزاحمت کرن والے سٹورٹ براڈ نُوں سلو بال اُتے پویلین گھلیا‘ ڈیبیو اُتے 5 وکٹاں نے اعتماد وچ وادھا کیتا پر سبھ توں ودھ خُشی مورگن دی وکٹ نال حاصل ہوئی‘ اوہناں دناں انگلش بیٹسمین دیاں صلاحیتاں تے سٹروکس دا بڑا چرچا سی۔
