عمران خان  ملک اُتے ترس کھائے‘ فوری استعفا دے دیوے:رانا ثناء اللہ……٭رویل نیوز٭

شیخوپورا/ لاہور (نیوز ڈیسک) مسلم لیگ (ن) پنجاب دے صدر تے رکن قومی اسمبلی رانا ثناء اللہ نے کہیا اے کہ میرا عمران خان نُوں مشورا اے کہ اوہ لوکائی دی غربت تے ودھدی ہوئی افلاس اُتے ترس کھائے تے فوری طور اُتے مستعفی ہو کے ملک وچ نویں سرے توں چوناں دا اعلان کرن۔ ثابت ہو گیا اے کہ ملک نُوں موجودا اوکڑاں توں کڈھنا عمران خان تے ایہدی نالایق ٹیم دے وَس وچ نہیں اے‘ نواز لیگ اپوزیشن دیاں ساریاں جماعتاں نُوں نال لے کے چلے گی تے اے پی سی دے سارے فیصلیاں اُتے عملدرآمد ہووے گا‘ ساریاں جماعتاں ایس گل اُتے متفق نیں کہ ملک تے قوم نُوں کسے نویں بحران توں بچان لئی نالایق حکمراناں توں چھٹکارا پانا ضروری اے۔