پولیو توں پاک پاکستان، ڈاکٹر ظفر مرزا دی بِل گیٹس نال ملاقات

اسلام آباد(رویل نیوز)وزیراعظم دے معاون خصوصی برائے صحت ڈاکٹر ظفر مرزا دی بِل گیٹس نال منگل نوں ملاقات ہوئی۔ وزیراعظم دے معاون برائے صحت نے بل گیٹس ملینڈا فاونڈیشن دے آگو بل گیٹس نوں پولیو دے خاتمے تے ٹیکا جات پروگرام دی تفصیلات دی جانکاری دتی۔ اوہناں آکھیا کہ بل گیٹس فاونڈیشن دیاں کوششاں سلاہن جوگ نیں۔ اوہناں آکھیا کہ پاکستان پولیو دے خاتمے دے حوالے نال بہتر مستبل لئی پُر عزم اے۔ ایس موقع تے گلبات کردے ہوئے بل گیٹس نے حکومت پاکستان دیاں بیماریاں دے خاتمے دیاں کوششاں نوں سراہیا۔ اوہناں آکھیا کہ پولیو توں پاک پاکستان پہلی ترجیح اے تے ایس ضمن وچ بل گیٹس فاونڈیشن اپنا تعاون جاری رکھے گی۔