ڈاکٹراں دا روبی انعم نُوں اِک مہینے مکمل آرام دا مشورا  ……٭رویل نیوز٭

لاہور (نمایندا رویل) ڈاکٹراں نے سینئر اداکارا روبی انعم نُوں اِک مہینے تک مکمل آرام کرن دا مشورا دے دِتا۔ تفصیلات دے مطابق اداکارا روبی انعم نُوں انجیو گرافی دے بعد پنجاب انسٹیٹیوٹ آف کارڈیالوجی توں گھر منتقل کر دِتا گیا اے تے ڈاکٹراں نے روبی انعم نُوں اِک مہینے تک کسے وی طرحاں دیاں شوبز سرگرمیاں نہ کرن دا مشورا دِتا اے۔ روبی انعم دا کہنا سی کہ میرا ایمان اے کہ کوئی وی بیماری ہووے اوہ خدا دی ذات ولوں آندی اے تے اوہی شفا دیندا اے۔ میں اپنے لئی دُعاواں کرن والے عزیز و اقارب‘ دوستاں تے پرستاراں دی مشکور آں۔ اوہناں نے کہیا کہ ڈاکٹراں نے مینوں اِک مہینے تک مکمل آرام دا مشورا دِتا اے جہدے بعد دُبارا چیک اپ کراواں گی۔