کوئی ڈیٹ ویٹ نہیں ہوئی، پہلی نظر وچ  نرجس پسند آئی : قومی فاسٹ باؤلر محمد عامر ……٭رویل نیوز٭

لاہور (نمایندا رویل) محمد عامر نے اپنی پریم کتھا بیان کر دِی‘ پیسر دا کہنا اے کہ پہلی نظر وچ ای نرجس بھا گئی سن۔ اِک انٹرویو وچ اوہناں نے دَسیا کہ لندن وچ میرا سپاٹ فکسنگ کیس چل رہیا سی‘ اِک ریسٹورنٹ وچ کھانا کھادا‘ بارش ہو رہی سی‘ ٹیکسی دے انتظار وچ سی کہ اِک فیملی نے تصویر لئی کہیا‘ روٹ اِک ہون دی وجھا توں اوہناں نے لفٹ دی وی پیشکش کر دِتی۔ فیملی نے کہیا کہ فس بک اُتے ایڈ کر لین‘ کجھ دن بعد مینوں گھر وچ اِک دعوت اُتے بلا لیا‘ اوتھے نویں سنگیاں دی کزن نرجس وی آئے ہوئے سن‘ لندن وچ رہن دے باوجود بڑی سادا تے گھریلو جہی وکھائی دین والی سوانی مینوں پہلی نظر وچ ای بھا گئے‘ فیملی دے بندے فرینڈ ہون دی وجھا توں نرجس دا آئی ڈی وی ساہمنے آیا تے میں پچھاندیاں ای پیغام دِتا‘ اوہناں نے کہیا کہ تُسیں کون او‘ برادر؟ ایہ بھرا دا لفظ ہٹان وچ مینوں 6 مہینے لگ گئے‘ نرجس نال کوئی ڈیٹ ویٹ نہیں ہوئی۔