kraamaat@gmail.com
+ +92 333-430-6384


وقار یونس لیٹ سوئنگ دا فن سکھایا‘ جہدا فایدا ہویا: سہیل خان……٭رویل نیوز٭


نمائندا رویل July 23, 2020


ڈربی/لاہور (نیوز ڈیسک) انگلینڈ دے خلاف سیریز دیاں تیاریاں دے سلسلے وچ کھیڈے جان والے پہلے چار دنا انٹرا سکواڈ پریکٹس میچ دی پہلی اننگز وچ 5 وکٹاں حاصل کرن والے سہیل خان نے اپنی چنگی کمکاری دا کریڈٹ وقار یونس نُوں دیندیاں ہویاں کہیا اے کہ قومی کرکٹ ٹیم دے باؤلنگ کوچ نے اوہناں نُوں ا نگلینڈ وچ لیٹ سوئنگ دے گُر سکھائے نیں۔ انٹرا سکواڈ پریکٹس میچ وچ انگلش کنڈیشنر دا بھرواں فاید ا چُکن والے فاسٹ باؤلر سہیل خان نے ایس توں پہلاں 2016 وچ دورا انگلینڈ دے 2 ٹیسٹ میچاں وچ 25 دی اوسط نال 13 وکٹاں حاصل کیتیاں سن۔ فاسٹ باؤلر دا کہنا اے کہ انگلینڈ وچ کنڈیشنز پاکستان توں مختلف نیں‘ ایتھے ہر باؤلر دا گیند سوئنگ ہوندا اے ایس لئی وقار یونس توں لیٹ سوئنگ فن سکھیا جہدا فایدا وی ہویا۔