شاہ رخ دے ویاہ دا پتا لگا تے میرا دل ٹُٹ گیا: فاطمہ ثناء شیخ ……٭رویل نیوز٭

لاہور (نیوز ڈیسک) بالی ووڈ دی نویں اُبھردی ہوئی اداکارا فاطمہ ثناء شیخ نے انکشاف کیتا اے کہ جدوں اوہناں نُوں شاہ رخ خان دے ویاہ دا پتا لگا تے اوہناں دا دل ٹُٹ گیا۔ بھارتی میڈیا رپورٹاں مطابق اداکارا فاطمہ ثناء شیخ نے اِک انٹرویو وچ دَسیا کہ اوہناں نُوں پتا نہیں سی کہ بالی ووڈ دے کنگ شاہ رخ خان شادی شدا نیں‘ اوہ اوہناں نُوں بے حد پسند کردے سن پر جدوں اوہناں نُوں پتا لگا کہ شاہ رخ خان شادی شدا نیں تے اوہناں د ا دل ٹُٹ گیا۔ اداکارا نے دَسیا کہ اِک شوٹنگ دے دوران اوہناں نُوں ایس گل دا پتا لگا کہ شاہ رخ خان دی شادی ہو چکی اے تے اوہ بہت روئے تے چیکدے‘ رؤلا پاندے رہے۔ فاطمہ ثناء سیخ نے دَسیا کہ اوہناں نے شاہ رخ خان دے نال فلم ”ون ٹو کا فور“ وچ اِک چائلڈ ایکٹر دے طور اُتے کم کیتا سی۔