راحت دا نواں گانا ”غم عاشقی“ ریلیز ہوندیاں ای  دُھم پے گئی  ……٭رویل نیوز٭

لاہور (نمایندا رویل) موسیقی وچ آکسفورڈ یونیورسٹی توں ڈاکٹریٹ دی اعزازی ڈگری حاصل کرن والے سراں دے سلطان استاد راحت فتح علی خان دے نویں رومنٹک سونگ ”غم عاشقی تیرا شکریا“ پوری دنیا وچ اِکو ویلے ریلیز کر دِتا گیا جہڑا ریلیز ہوندیاں ای مقبول ہو گیا۔۔وسیلیاں مطابق عالمی شہرت یافتا گائیک استاد راحت فتح علی خان نے نامور شاعرہ پروین شاکر دے کلام نُوں گیت دی شکل دے کے اپنے سننن والیاں لئی عید دا تحفا غمِ عاشقی تیرا شکریا دی شکل وچ لیائے نیں۔ ایس گانے دی ریلیز دا کئی دناں توں مداحاں نُوں بے چینی تے بے قراری نال انتظار سی۔ ایس گیت دی موسیقی نوجوان میوزک ڈائریکٹر کامران اختر نے ترتیب دِتی اے جد کہ قومانتری پدھر تے جانیا پچھانیا میوزک پروڈیوسر سلمان احمد ایہنوں شاندار انداز وچ پروڈیوس کیتا اے۔