kraamaat@gmail.com
+ +92 333-430-6384


عمر توں دُگنا طاقتور بندا ہراساں کردا رہیا،پندرھاں ورھے چُپ رہی: عائشہ عمر ……٭رویل نیوز٭


نمائندا رویل August 07, 2020


لاہور (رویل نیوز) پاکستان فلم و ٹی وی انڈسٹری دی مقبول ترین اداکارا عائشہ عمر نے انکشاف کیتا اے کہ انڈسٹری وچ عمر توں ڈبل طاقتور بندا ہراساں کردا رہیا اے جہدا ذکر اوہناں نے 15 سال تک کسے نال نہیں کیتا۔ فوٹو تے ویڈیو شیئر نگ ایپ انسٹا گرا اُتے اداکارا عائشہ عمر نے اداکارا تے ڈائریکٹر روز میکگوان نال لائیو سیشن دے دوران گل کردیاں ہویاں شوبز انڈسٹری وچ جنسی ہراسانی بارے انکشاف کیتے۔ عائشہ عمر دا کہنا سی کہ جدوں اوہناں نے انڈسٹری وچ قدم رکھیا تے اوس ویلے اوہناں دی عمر 23 سال سی‘ اوس ویلے میری عمر توں ڈبل طاقتور بندے نے مینوں جنسی ہراسانی دا نشانا بنایا تے ایہ سلسلا ورھیاں تک چلدا رہیا‘ 15 سال تک میں ایہ گل کسے نُوں دَسی کیوں جے میں ایہ گل کسے نال شیئر نہیں کرنا چاہندی سی۔