kraamaat@gmail.com
+ +92 333-430-6384
نمائندا رویل
August 11, 2020
لاہور ( نمایندا رویل) صوبائی دارلحکومت لاہور تے شہر دے دوالی علاقیاں سنے پنجاب دے ہور ضلعیاں وچ ہون والی موسلا دھار بارش نے لاہور سنے شہر دے دوالی علاقیاں وچ تباہی مچا دِتی۔ بارش دے کارن شہر دے نیویں تے پوش علاقے بارش دے پانی وچ ڈُب گئے جہدی وجھا توں شہر وچ معمولات زندگی بُری طرحاں متاثر ہو ئے۔ لاہور وچ مسلسل 6 گھنٹے تک جاری رہن والی بارش کارن شہر دیاں سڑکاں تے گلی محلے ندی نالیاں دا منظر پیش کرن لگے۔ سڑکاں اُتے کئی کئی فٹ تک بارش دا پانی اکٹھا ہون دی وجھا توں شہر دی ٹریفک بُری طرحاں متاثر رہی تے کئی کئی فٹ کھلوتے پانی توں لنگھن والیاں گڈیاں تے موٹر سائیکلاں بند ہو گئیاں‘ شہریاں دی مدد لئی سڑکاں اُتے کوئی سرکاری ادارا وکھائی نہ دِتا۔
