کرونا دی نویں لہر توں پہلاں سخت اقدامات کیتے جان: عالمی ادارا صحت  ……٭رویل نیوز٭

جنیوا (نمایندا رویل) عالمی ادارا صحت دے ایمرجنسی پروگرام دے آگو ڈاکٹر مائیک ریان نے تنبیہ کیتی اے کہ کرونا وایرس دی نویں اُٹھن والی لہر دے خلاف رد عمل تیز کرن دی ضرورت اے۔ ڈاکٹر مائیک ریان نے کہیا کہ کرونا دی نویں لہر نال رَل کے لڑن دی ضرورت اے‘ سخت اقدامات نال ای کرونا نویں لہر اُتے قابو پایا جا سکدا اے۔ اوہناں دا ہور کہنا سی کہ مغربی یورپ تے ہور تھاواں اُتے اُٹھن والی لہر دے خلاف رد عمل تیز کرن دی ضرورت اے۔ دوجے پاسے عالمی ادارا صحت دے ڈائریکٹر جنرل ڈاکٹر ٹیڈروس نے اپنے اِک بیان وچ دنیا نُوں امید دلوائی اے کہ اوہ مایوس نہ ہون‘ تقریبن165 دوئیاں بنان والیاں کمپنیاں کرونا ویکسین دی تیاری وچ لگیاں ہوئیاں نیں‘ کرونا نویں لہر خلا رد عمل تیز کرن دی ضرورت اے۔