سرینگر وچ بھارتی فوج دی بربریت تے ظلم جاری،پاکستانی ہون دا جھوٹھا الزام لا کے 3 کشمیریاں نُوں شہید کر دِتا……٭رویل نیوز٭

سرینگر (نمایندا رویل) بھارت نے معصوم کشمیری خاندان اُتے ظلم دی انتہا کر دِتی‘ پاکستانی ہون دا جھوٹھا تے من گھڑت الزام لا کے 3 کشمیریاں نُوں شہید کر دِتا۔ کشمیر میڈیا سروس دے مطابق شہید کشمیریاں دے گھر والیاں نے دَسیا کہ 18 سالا ابرار کھٹانا‘ 21 سالا امتیاز احمد تے 25 سالا ابرار احمد 16 جولائی نُوں کم دی کھوج وچ سری نگر جان لئی اپنے گھراں توں نکلے سن جہدے بعد اوہناں نال رابطا منقطع ہو گیا سی۔ قابض بھارتی فوج نے کہیا سی کہ 3 نوجوان 18 جولائی نُوں جھڑپ دوران مارے گئے نیں۔ ظالم قابض بھارتی فوج نے ایہناں تِناں نوجواناں نُوں قتل کرن دے بعد آپ اوہناں دی دفنائی وی کر دِتی سی‘ گھروالیاں نُوں سوشل میڈیا اُتے تصویراں ویکھ کے پیاریاں دے شہید ہون دا پتا لگا۔