لاہوروچ پنج  مہینیاں بعد تھیٹر دیاں رونقاں بحال ……٭رویل نیوز٭

لاہور (نمایندا رویل) شہر وچ 5 مہینیاں بعد تھیٹر دیاں رونقاں بحال ہو گئیاں تے شہر دے مختلف تھیٹراں وچ دُعائیاں تقریباں تے مٹھائی ونڈن دا اہتمام کیتا گیا پر سینما گھر حالے وی بند رہوے گا۔ 5 مہینیاں تک کرونا وایرس دی وجھا توں بند رہن والے تھیٹر کھول دِتے گئے نیں۔ تماشیل تھیٹر وچ ”گو کرونا گو“ دے ناں نال سٹیج ڈراما پیش کیتا گیا۔ ڈرامے وچ نسیم وکی‘ شاہد خان‘ قیصر پیا‘ فیا خان سنے ہور فنکار شامل سن۔ ایس موقع اُتے حکومت ولوں جاری کردا ایس او پیز اُتے عملدرآمد لئی انتظامات نُوں یقینی بنایا گیا سی‘ ہال وچ آن توں پہلے سینیٹائزر دا استعمال لازمی سی جد کہ ماسک دے بغیر انٹری دی اجازت نہیں سی‘ ایسے طرحاں شہر دے سارے تھیٹراں وچ حکومت ایس او پیز اُتے عمل جاری اے۔