دماغ نوں خون اپڑان والیاں ناڑاں 80فیصد بند

لندن(رویل نیوز)سا بق وزیر اعظم نواز شریف دے دماغ نوں خون اپڑان والیاں ناڑاں 80فیصد بند ہو گیاں نیں۔تفصیل دے مطابق لندن وچ علاج کارن گئے نواز شریف دے حوالے نال اہم خبر ساہمنے آئی اے۔ ڈاکٹراں دا آکھنا اے کہ نواز شریف دے دماغ نوں خون اپڑان والیاں ناڑاں 80فیصد بند ہوگیاں نیں۔خاندانی وسیلیاں دے مطابق نواز شریف نوں اج ہسپتال لیجایا جائے گا ، دوپہر نوں ڈاکٹراں نال اپاینمنٹ طے اے۔خاندانی وسیلیاں دے مطابق پچھلے دیہاڑے سوئس ڈاکٹر سگواٹ نے پارک لین فلیٹس وچ نواز شریف دا معاینا کیتا سی۔وسیلیاں دے مطابق لندن آن مگروں لگاتار نواز شریف دے ٹیسٹ کیتے جا رہے نیں۔ ڈاکٹراں دی ٹیم اوہناں دی بیماری دا کارن جانن لئی کوششا ں کر رہی اے۔