اداکاراکبریٰ نے بچپن دیاں یاداں تازاں کر دِتیاں ……٭رویل نیوز٭

لاہور (نمایندا رویل) پاکستانی اداکارا کبریٰ خان نے لندن وچ موجود اپنے گھر وچ بچپن دی یاد وچ جھولا جھولدیاں اِک ویڈیو شیئر کیتی تے اوس ویلے دیاں حسین یاداں وچ گواچ گئے۔ انسٹا گرام اُتے اداکار ا نے ویڈیو شیئر کردیاں ہویاں لکھیا کہ ’میں ایہناں جھولیاں نُوں جھولدیاں ہویاں وڈی ہوئی‘ موسیقی سندیاں تے اللہ جانے کہڑے خاب ویکھدیاں ہویاں ایتھے گھنٹے لنگھائے‘ اینے سالاں وچ کجھ وی بُہتا نہیں بدلیا۔‘ اداکارا نے دَسیا کہ اوہناں نُوں ایہ ویکھ کے خُشی ہوندی اے کہ جہڑے گھر وچ اوہناں نے اپنا بچپن لنگھایا‘ اوہ بہت زیادا تبدیل نہیں ہویا۔ کبریٰ نے ہیش ٹیگ استعمال کردیاں ہویاں لکھیا کہ ’کیہ اسیں سارے اندروں بچے نہیں آں۔‘ 27 سالا اداکارا ولوں شیئر کیتی جان والی ویڈیو نُوں پرستار پسند کر رہے نیں۔