مہوش حیات کھان والی شے ہوندے تے بریانی ہوندے: ہمایوں سعید……٭رویل نیوز٭

لاہور (نیوز ڈیسک) پاکستان دے اداکار تے پروڈیوسر ہمایوں سعید دا پاکستان دی ڈراما تے فلم انڈسڑی دی اداکارا مہوش حیات بارے کہنا اے کہ جے مہوش حیات کوئی کھان والی شے ہوندے تے بریانی ہوندے۔ ہمایوں سعید نے پاکستان دی ہر دلعزیز اداکارا ماہرہ خان دے کوکنگ شو وچ رلت کیتی جہدے وچ دوہاں فنکاراں نے رل کے بہت ساریاں دلچسپ یاداں تازاں کیتیاں‘ ایس دوران ماہرہ نے ہمایوں دے نال گلاں دے دوران اپنے مداحاں نُوں مزے مزے دے آملیٹ وی بنانا سکھائے۔ ماہرہ خان ولوں ہمایوں سعید توں سوالات وی کیتے گئے جہدے ہمایوں نے حیرت انگیز جواب دِتے۔ عدنان صدیقی بارے جواب دیندیاں ہویاں اوہناں نے کہیا کہ جے اوہ کوئی ڈش ہوندے تے اوہ کریلے ہوندے۔