کرونا دے وار،دیس وچ 482نویں کیسز تے بارھاں مَوتاں رپورٹ……٭رویل نیوز٭

اسلام آباد (نیوز ڈیسک) پورے ملک وچ کرونا وباء دے پچھلے 24 گھنٹیاں وچ 482 نویں کیسز تے 12 مَوتاں رپورٹ ہوئیاں۔ نیشنل کمانڈ اینڈ کنٹرول سینٹر دے مطابق پورے ملک وچ کرونا وباء دے پچھلے 24 گھنٹیاں وچ 482 نویں کیسز رپورٹ ہوئے جہدے نال ایکٹو کیساں دی گنتی 8 ہزار 987 ہو گئی اے۔ پورے ملک وچ صحت یاب ہون والے روگیاں دی گنتی 2 لکھ 78 ہزار 939 ہو گئی جد کہ مجموعی مَوتاں دی گنتی 6267 ہو گئی اے۔ این سی او سی دے مطابق سندھ وچ کرونا وایرس دے سبھ توں ودھ متاثرا روگیاں دی گنتی 1 لکھ 28 ہزار 676‘ دوجے نمبر اُتے پنجاب وچ اے جتھے روگیاں دی گنتی 96 ہزار 466 اے۔