دوجی شادی اُتے پہلی گھروالی نُوں فورن حق مہر دینا پوے گا: سپریم کورٹ ……٭رویل نیوز٭

اسلام آباد (بیورو رپورٹ) گھروالی دی اجازت بغیر دوجی شادی دے خاہشمند بندیاں نُوں خبردار کر دِتا گیا۔ سپریم کورٹ نے حکم دِتا اے کہ بغیر اجازت دوجی شادی اُتے پہلی گھروالی نُوں حق مہر فورن ادا کرنا پوے گا۔ مہر معجل ہووے یاں غیر معجل دوہاں صورتاں وچ فوری واجب الادا ہووے گا۔ دوجی شادی لئی پہلی گھروالی یاں ثالثی کونسل دی اجازت لازمی اے۔ سپریم کورٹ دے فیصلے وچ ہور کہیا اے کہ دوجی شادی لئی اجازت دے قانون دی خلاف ورزی نال کئی مسئلے جنم لین گے۔ دوجی شادی لئی اجازت دا قانون معاشرے نُوں بہتر انداز نال چلان لئی اے۔ عدالت نے حق مہر دی فوریا دائیگی دے فیصلے دے خلاف اپیل خارج کر دِتی تے پشاور ہائیکورٹ دا فیصلابرقرار رکھیا۔ عدلت نے درخاست گزار نُوں حق مہر فورن ادا کرن دا حکم دِتا اے۔ پشاور دے رہایشی محمد جمیل نے گھروالی دی اجازت دے بغیر دوجی شادی کیتی سی۔