دو میجر جنرلز نوں لیفٹینٹ جنرل دے عُہدے تے ترقی دے دِتی گئی

راولپنڈی(رویل نیوز)2میجر جنرلز نوں لیفٹیننٹ جنرل دے عہدے اُتے ترقی دے دتی گئی۔آئی ایس پی آر دے مطابق پاک فوج دے دو میجر جنرلز نوں لیفٹیننٹ جنرل دے عہدے اُتے ترقی دے دتی گئی اے۔ آئی ایس پی آر دا آکھنا اے کہ میجر جنرل علی عامر اعوان دی لیفٹیننٹ جنرل دے عہدے اُتے ترقی ہوئی اے۔ آئی ایس پی آر دے مطابق میجر جنرل محمد سعید دی وی لیفٹیننٹ جنرل دے عہدے اُتے ترقی ہوئی اے۔آئی ایس پی آر دا آکھنا اے کہ لیفٹیننٹ جنرل ساحر شمشاد مرزا نوں چیف آف جنرل سٹاف تعینات کر دتا گیا۔آئی ایس پی آر دا آکھنا اے کہ لیفٹیننٹ جنرل ندیم ذکی منج نوں ڈی جی ایس پی ڈی لا دتا گیااے جدوں کہ لیفٹیننٹ جنرل محمد عامر نوں ایڈجوٹنٹ جنرل تعینات کر دتا گیا اے۔آئی ایس پی آر دے مطابق لیفٹیننٹ جنرل شاہین مظہر محمود نوں کمانڈر منگلا کور تعینات کیتا گیا اے جدوں کہ لیفٹیننٹ جنرل نعمال محمود نوں کمانڈر پشاور کور تعینات کیتا گیا اے۔