خاہش اے آخری ساہ تک اداکاری کراں: ثناء ……٭رویل نیوز٭

لاہور (نمایندا رویل) نامور اداکارا ثناء نے کہیا اے کہ فنکار کدی ریٹایر نہیں ہوندا تے میری وی خاہش اے کہ زندگی دے آخری ساہ تک اداکاری کراں‘ اپنے کیریئر وچ ہر طرحاں دے کردار نبھا کے اپنیاں صلاحیتاں دا لوہیا منوایا اے تے ایہدے لئی بڑی محنت درکار ہوندی اے۔ اِک انٹرویو وچ اداکارا نے کہیا کہ شادی دے بعد شوبز وچ کامیابیاں دا تسلسل برقرار رکھنا کوئی سوکھا کم نہیں اے سگوں ذمے داریاں کئی گنا ودھ جاندیاں نیں۔ میں شوبز تے نجی زندگی نُوں وکھرا وکھرا رکھیا اے تے شیڈول وی انج ای مرتب کردی آں‘ میرے لئی دوہاں دی اہمیت اے پر میرا گھر میری پہلی ترجیح اے تے ایہدے اُتے کوئی سمجھوتا نہیں ہو سکدا۔