اداکارا کاجول تے اجے دیوگن دا وکھرا ہون دا فیصلا ……٭رویل نیوز٭

لاہور (نمایندا رویل) بالی ووڈ دی مقبول ترین جوڑی کاجول تے اجے دیو گن نے اِک دوجے توں وکھرا ہون د ا فیصلا کر لیا‘ کاجول اپنی دھی نیاسا دے نال سنگا پور جا رہے نیں جد کہ اجے دیو گن بھارت وچ اپنے پُتر یگ دے نال رہن گے۔ بھارتی میڈیا رپورٹاں مطابق پوری دنیا وچ کھلری عالمی وباء کرونا وایرس دے خوف کارن اداکارا کاجول اپنی کلی دھی نیاسا نُوں کلے سنگا پور نہیں گھلنا چاہندے ایس لئی اوہناں نے آپ وی نیاسا دے نال سنگا پور جان دا فیصلا کیتا اے۔ اجے دیو گن تے کاجل دی دھی نیاسا سنگا پور وچ پڑھد ے نیں تے اوتھے رہندے نیں‘ البتا اوہ اج کل بھارت آئے ہوئے نیں‘ کرونا وایرس دی وجھا توں کاجول تے اجے نُوں اوہناں دی فکر اے کہ اوہ اوتھے کلے کویں رہن گے۔ کاجول تے اجے نہیں چاہندے کہ نیاسا دی پڑھائی اُتے کوئی اثر پوے ایس لئی ہُن کالوج نیاسا دے نال سنگا پور وچ رہن گے۔