ڈیوڈ ملان نے بابر اعظم دی پہلی پوزیشن کھوہ لئی ……٭رویل نیوز٭

دبئی (نمایند رویل) انٹرنیشنل کرکٹ کونسل (آئی سی سی) نے ٹی 20 کرکٹ دی نویں رینکنگ جاری کر دِتی اے۔ ٹیماں دی رینکنگ وچ آسٹریلیا نے انگلینڈ نُوں 3 میچاں دی سیریز دے آخری میچ وچ شکست دے کے پہلی پوزیشن حاصل کر لئی اے۔ انگلش ٹیم نے کینگروز نُوں سیریز وچ شکست نال دوچار کیتا پر تیجے میچ وچ شکست دے بعد بلیو کیپس پہلے توں دوجے نمبر اُتے آ گئے نیں‘ بھارت دی تیجی پوزیشن اے جد کہ پاکستان دی چوتھی پوزیشن برقرار اے۔ بلے بازاں دی نویں ٹی 20 رینکنگ دے مطابق انگلینڈ دے ڈیوڈ ملان نے پاکستانی کپتان بابر اعظم دی پہلی پوزیشن کھوہ لئی اے۔ لمے عرصے تک پہلی پوزیشن اُتے برقرار بابر اعظم دوجے نمبر اُتے آ گئے نیں جد کہ آسٹریلیا دے ایرون فنچ تیجے‘ بھارت دے لوکیش راہول چوتھے نمبر اُتے موجود نیں‘ بھارتی کپتان ویرات کوہلی ایس فہرست وچ پنجویں نمبر اُتے نیں۔ www.rvel.org