طلاق ہون دے باوجود دوویں سنگی آں: اظفر علی۔۔۔٭رویل نیوز٭

لاہور (رویل نیوز) پاکستانی شوبز انڈسٹری نال تعلق رکھن والے اداکار‘ ہدایتکار‘ مجمان تے سکرپٹ رائٹر اظفر علی دا اپنی پچھلی گھروالی اداکارا سلمیٰ حسن بارے کہنا اے کہ طلاق ہو جان دے باوجود اوہ دوویں بہترین دوست نیں۔ اظفر علی نے حال ای وچ اِک یو ٹیوب چیٹ شو وچ بطور مہمان رلت کیتی۔ اپنے انٹرویو دے دوران اظفر علی نے اداکارا سلمیٰ حسن توں طلاق دے بعد پہلی وار اپنے رشتے بارے گل کردیاں ہویاں دَسیا کہ ’اوہ دوویں اج وی اِک دوجے دے بہترین دوست نیں‘ اوہناں نے کدی وی سلمیٰ حسن نُوں طلاق دین بارے نہیں سوچیا سی۔‘ اظفر علی نے ہور کہیا کہ ’نہ چاہندیاں ہویاں وی ساڈے دوہاں دے راہ جدا ہو گئے پر سلمیٰ حسن توں علیحدگی بعد اوہ اپنی دھی دے حقاں توں کدی غافل نہیں ہوئے نیں۔