جِنیاں مرضی گرفتاریاں کرو‘ جلسا ہوے گا: مریم نواز۔۔۔٭رویل نیوز٭

لاہور (نیو ز ڈیسک) پاکستان مسلم لیگ (ن) دی سینئر نائب صدر تے پچھلے وزیراعظم نواز شریف دی صاحبزادی مریم نواز نے کہیا اے کہ پنجاب سرکار جنے چاہوے ن لیگی آگوواں تے کارکناں نُوں گرفتار کر لوے‘ گوجرانوالا وچ جلسا ہر صورت ہووے گا۔ ن لیگی آگو تے کارکن گرفتاریاں توں گھبران والے نہیں جد کہ حکومت دے خلاف اپوزیشن دیاں جماعتاں دی احتجاجی تحریک کامیاب ہووے گی۔ جمعرات دی صبح جاتی امراء وچ پاکستان مسلم لیگ ن دے وڈیاں دی اِک بیٹھک وچ خیالاں د ا اظہار کردیاں ہویاں مریم نوز نے صوبے وچ پاکستان مسلم لیگ ن دے آگوواں تے کارکناں دے گھراں اُتے پولیس چھاپیاں دی مذمت کردیاں کہیا کہ پولیس دے چھاپیاں نال گوجرانوالادا جلسا نہیں رُکے گا۔