پی ٹی اے تے ٹک ٹاک انتظامیا وچکار مذاکرات کامیاب۔۔۔٭رویل نیوز٭

اسلام آباد (نیوز ڈیسک) پی ٹی اے تے ویڈیو شیئرنگ ایپ ٹک ٹا ک انتظامیا دے وچکار مذاکرات کامیاب‘ پی ٹی اے نے غیر اخلاقی مواد ہٹان دی شرط اُتے ٹک ٹاک ایپ نُوں بحال کر دِتا اے۔ پی ٹی اے نے وارننگ دِتی اے کہ جے ہدایت اُتے عمل نہ ہویا تے ٹک ٹاک نُوں پاکستان وچ مکمل طور اُتے بند کر دِتا جاوے گا۔ تفصیلات دے مطابق پاکستان ٹیلی کمیونیکیشن اتھارٹی نیویڈیو شیئرنگ ایپ ٹک ٹاک نُوں بحال کر دِتا اے‘ پی ٹی اے نے ک ٹاک نُوں 9 اکتوبر نُوں بند کر دِتا سی‘ غیر اخلاقی مواد بلاک کرن دی شرط اُتے بحالی دی اجازت دِتی گئی اے۔ پی ٹی اے دا کہنا اے کہ جے انج نہ ہویا تے ٹک ٹاک نُوں پاکستان وچ مکمل طور اُتے بند کر دِتا جاوے گا‘لوکائی نُوں محفوظ ڈیجیٹل سروسز دے اقدام دے عزم دا اظہار کردیاں ہویاں غیر اخلاقی مواد دی نگرانی کیتی جاوے گی جد کہ ایہو جہے اکاؤنٹس معطل کرن دا مقامی نظام وی وضع کر دِتا گیا اے‘ غیر اخلاقی مواد اپ لوڈ کرن والے اکاؤنٹس نُوں ہُن پاکستان توں ای کنٹرول کیتا جا سکے گا۔