kraamaat@gmail.com
+ +92 333-430-6384


ڈُبدی معیشت بچاون وچ کامیاب ہوگئے: ہمایوں اختر


نمائندا رویل December 08, 2019


لاہور(رویل نیوز)پاکستان تحریک انصاف دے سینئر مرکزی آگو تے سابق وفاقی وزیر ہمایوں اختر خان نے آکھیا کہ مولانا فضل الرحمن مارچ تے دھرنے دی ناکامی بعد دوبارا اے پی سی اُتے آگئے نیں جہدے توں واضح اے کہ اقتدار توں دوری اوہناں نوں کِنا بے چین کیتے ہوئے اے۔ اپوزیشن دے اکٹھ دا صرف دو رُکنی ایجنڈا کرپشن تے اپنی سیاست بچاو ہوندا اے۔ اسیں نہیں چاہندے کہ اپوزیشن آون والے عام انتخابات وچ مقابلے دی دوڑ توں باہر ہووے پر ایہ آپے ایسے سفر نوں جاری رکھے ہوئے اے۔ ہمایوں اختر نے آکھیا کہ چین پاکستان اقتصادی راہداری اُتے امریکی عہدیدار دے بیاں اُتے پاکستان تے چین ولوں ردِ عمل ظاہر کر دِتا گیا اے۔ پاکستان وچ سازگار ماہول پاروں غیر ملکی سرمایا کاری وچ وادھا ہورہیا اے۔