گلگت وچ عمران دی تقریر قاعدیاں دے خلاف:زرداری۔۔۔٭رویل نیوز٭

اسلام آباد (نیوز ڈیسک) پچھلے صدر پاکستان آصف علی زرداری دے ترجمان نے کہیا اے کہ گلگت بلتستان وچ عمران خان دی سیاسی تقریر الیکشن دے قاعدیاں ضابطیاں دے خلاف اے۔ اوہناں نے سوال کیتا کہ آخر الیکشن کمیشن قاعدیاں ضابطیاں دی خلاف ورزی اُتے عمران خان دی تقریر دا نوٹس کیوں نہیں لے رہیا؟ ترجمان نے کہیا کہ وفاقی وزراء وی جی بی دیاں چوناں اُتے اثر انداز ہو رہے نیں تے جی بی دیاں چوناں وچ وفاقی وزراء ولوں انتخابی مہم چلانا غیر قانونی اے۔ وزیراعظم عمران خان دا انتخابی مہم دے دوران جی بی دا دورا کرنا وی غیر قانونی اے۔ اوہناں نے مطالبا کیتا کہ الیکشن کمیشن اپنی ذمے داری پوری کرے تے عمران خان خلاف ایکشن لوے۔