پی ڈی ایم والے استعفے دین، محمود اچکزئی نے لاہور وچ وی غیر ذمے دارانا گل کیتی: شیخ رشید احمد۔۔۔٭رویل نیوز٭

اسلام آباد (نیوز ڈیسک) وفاقی وزیر داخلا شیخ رشید احمد نے کہیا اے کہ بطور وزیر داخلا نواز شریف نُوں پیغام دینا چاہندا آں کہ بس بہت ہو گیا اے ہُن ہور کوئی گنجایش نہیں‘ ملک توں ودھ ہور کجھ نہیں اے۔ پیر والے دن میڈیا نال گلبات کردیاں ہویاں اوہناں نے کہیا کہ پی ڈی ایم والے استعفے دین سگوں جنا چھیتی ممکن ہون دین‘ اسلام آباد آنا چاہندے نیں تے شوق نال آن‘ میں تہاڈا منتظر آں‘ اسیں اوہ کراں گے جہدی آئین تے قانون اجازت دیندا اے‘ 11 وِچوں سوائے بلاول بھٹو زرداری تے اختر مینگل دے کوئی منتخب نمایندا نہیں‘ جہڑے الیکشن ہار جاندے نیں اوہ نفسیاتی مسئلیاں دا شکار ہو جاندے نیں‘ محمود اچکزئی جتھے جاندے نیں گُل کھلاندے نیں‘ کراچی وچ اردو بولن والیاں خلاف گل کیتی‘ لاہور وچ وی غیر ذمے دارانا گل کیتی۔ وزیر داخلا نے کہیا کہ عمران خان حکومت چھڈ دیوے گا پر ایہناں نُوں این آر او نہیں دیوے گا‘ اپوزیشن نے استعفے دینے نیں تے بے شک دے دین تے جے اسلام آباد آنا چاہندے نیں تے ایہد یلئی وی 2 مہینے دا ویلا نہ دین‘ کل پی ڈی ایم نے لاہور وچ اپنی سیاست دا جنازا کڈھیا اے‘ کیوں جے اہل لاہور نے کل ذمے داری دا ثبوت دِتا‘ میں کہیا سی کہ وچکار منجدھار وچ اپوزیشن دی کشتی ڈُبے گی‘ ہُن ایہ اسلام آباد دا لانگ مارچ فروری وچ لے گئے نیں ایہ آن اسلام آباد ایہناں دا وی اے۔ وزیر داخلا نے کہیا کہ ایہ لوک لُٹی ہوئی رقم نُوں بچان لئی سڑکاں اُتے نکل آئے نیں‘ فوجاں دے بارے وچ نا اہل سزا یافتا تے مفرور غیر ذمے دارانا گلبات کردے نیں‘ بطور وزیر داخلا نواز شریف نُوں پیغام اے بہت ہو گیا‘ ہُن ہور نہیں‘ نواز شریف نُوں پیغام اے ایس ملک توں ودھ کے ہور کجھ نہیں اے‘ ایس لئی اسیں ڈائیلاگ دے بوہے بند نہیں کرنا چاہندے‘ پر یاد رہوے کہ عمران خان اپنی حکومت چھڈ دیوے گا اوہ این آر او نہیں دیوے گا‘ این آر او تے نیب دے سوا وزیراعظم گلبات کرن لئی تیار نیں۔ شیخ رشید احمد نے کہیا کہ اپوزیشن نُوں سوشل میڈیا کہ جلسے وچ کِنے لوک سن‘ استعفا دین دی گل کردے او اسیں جی آیاں نوں کہواں گے۔