میری کامیابی وچ مرینہ خان دا بہت وڈا ہتھ اے: ماہرہ خان۔۔۔٭رویل نیوز٭

کراچی (نمایندا رویل) اداکارا ماہرہ خان نے سینئر اداکارا مرینہ خان نُوں شوبز انڈسٹری وچ اپنی پہلی دوست متھدیاں ہ ویاں کہیا اے کہ اوہناں دیاں کامیابیاں وچ مرینہ خان دا بہت وڈا ہتھ اے۔ ماہرہ خان نے مرینہ خان دے جمن دیہاڑ اُتے اوہناں لئی انسٹا گرام اُتے اِک جذباتی سنیہا لکھیا اے۔ ماہرہ خان نے لکھیا ”دنیا لئی مرینہ خان پاکستان دی سبھ توں پیاری سوانی نیں‘ پر میرے لئی مرینہ میری ایس انڈسٹری وچ سبھ توں پہلی دوست نیں۔“ ماہرہ خان نے لکھیا کہ مرینہ خان تے اوہناں دے خاوند اوہ پہلے لوک نیں جہناں نے مینوں ایس انڈسٹری وچ ہون دا احساس کروایا تے مینوں خُش آمدید کہیا۔ اج میں جو کجھ وی آں ایہدے وچ لاشعوری طور اُتے مرینہ خان تے اوہناں دے خاوند دا بہت وڈا ہتھ اے۔